Bonds.mn хэрхэн ажилладаг вэ?

Bonds.mn систем нь Засгийн газрын үнэт цаасны арилжааг 24/7 хугацаанд тасралтгүй хийх боломжтой арилжааны платформ юм. Манай системийг ашиглан үнэт цаасны арилжааг дэлхийн хаанаас ч хэдийд ч хийж, мөнгөн хөрөнгөө удирдах боломжтой. Арилжааны биелсэн захиалга бүрийг блокчейн дээр бүртгэдэг тул хэрэглэгчийн арилжааны мэдээлэл болон үнэт цаасны мэдээлэл устах, зөрөх зэрэг эрсдэлгүй шинэ үеийн технологид суурилсан цогц систем юм.

Хэрхэн бүртгэл үүсгэх вэ?

Bonds.mn-д вэбсайт болон аппликейшнээр хандан бүртгэл үүсгэх боломжтой байдаг. Хэрэв та апп ашиглах бол Appstore эсвэл Playstore-оос Bonds.mn аппликейшныг татаж өөрийн утас, таблет дээр суулгасан байх хэрэгтэй. Доорх дарааллын дагуу бүртгэл үүсгэнэ.

Алхам 1

Аппликейшныг нээж Бүртгүүлэх товчлуурыг дараад Иргэн гэж сонгоорой.

Алхам 2

Утасны дугаар гэсэн талбарт өөрийн гар утасны дугаарыг оруулж Илгээх гэсэн товчлуур дээр дарна.

Алхам 3

Бүртгүүлсэн утасны дугаарт 133331 тусгай дугаараас 6 оронтой баталгаажуулах код бүхий мессэж ирэх ба тэр кодыг Баталгаажуулах код гэсэн талбарт оруулж илгээнэ.

Анхаарах: Bonds.mn систем дээр таны бүртгүүлсэн гар утасны дугаар нь цаашид таны нэвтрэх нэр болон ашиглагдах тул та өөрийн байнга ашигладаг гар утасны дугаараа үнэн зөв оруулна уу.

Алхам 4

Бүртгэлийн дараагийн хэсэг нь Анкетын хэсэг буюу Хэрэглэгчийн мэдээллийн хэсэг юм. Та энэ хэсэгт өөрийн мэдээллээ үнэн зөв оруулаад илгээхэд танд бүртгэл амжилттай үүссэн эсэх талаар мэдэгдэл ирэх болно.

Анхаарах: Цаашид таны мэдээлэлд өөрчлөлт орох тухай бүрт мэдээллээ шинэчилж байх хэрэгтэйг анхаараарай.

Алхам 5

Нэвтрэх товчлуур дээр дарж өөрийн бүртгэлтэй утасны дугаар болон нууц үгээр нэвтрэх боломжтой болно. Мөн хурууны хээ, царайгаа таниулах тохиргоо хийж илүү амархан нэвтрэх боломжтой.

Бүртгэлээ баталгаажуулах алхмууд гэж юу вэ?

Дараах 2 алхамт баталгаажуулалтыг хийснээр хэрэглэгч бондын арилжаанд оролцох боломжтой болно.

Алхам1. Үнэт цаасны данс

Хэрэглэгч системд бүртгэл үүсгэсний дараа өөрийн бүртгэлээрээ нэвтэрч ороод Баталгаажуулалт цэсэн дээр дарж Алхам 1. Үнэт цаасны данс шалгах товчлуур дээр дарахад хэрэглэгчид үнэт цаасны данс үүсэж Алхам 1 баталгаажна.

Алхам2. Банкны данс баталгаажуулах

Хэрэглэгч та өөрт ойрхон Төрийн банкны аль нэг салбараар үйлчлүүлэн гэрээ байгуулж, үнэт цаасны төлбөр тооцооны данс нээлгэнэ үү. Хэрэглэгчид данс нээгдмэгц Алхам 2 баталгаажна.

Захиалга хэрхэн хийх вэ?

1. Өөрийн бүртгэлээрээ bonds.mn-д нэвтрээд Нүүр хуудасны Анхдагч зах зээл хэсэг рүү орно.

2. ЗГҮЦ захиалга цонхноос одоогийн байдлаар идэвхтэй байгаа үнэт цаасны жагсаалт, тэдгээрийн дэлгэрэнгүй мэдээллийг харж болно. Энэ хэсгээс захиалга өгөх үнэт цаасаа сонгоод Захиалга өгөх товчлуур дээр дарна.

3. Санал өгөх хэлбэрээ сонгоно.

4. Хэрэв та Өрсөлдөөнт хэлбэрийг сонговол захиалгын тоо ширхэг, купоны хэмжээ Өрсөлдөөнт бус хэлбэрийг сонговол захиалгын тоо ширхэгийг оруулж Захиалах товчлуурыг дарна.

5. Таны оруулсан захиалгын мэдээллийг системээс танд ахин харуулах цонх гарч ирэх ба та өөрийн захиалгын мэдээллийг ахин шалгаж Захиалах товчлуурыг дарснаар захиалга үүснэ.

Өрсөлдөөнт болон Өрсөлдөөнт бус санал гэж юу вэ?

Өрсөлдөөнт санал- Засгийн Газрын үнэт цаасны арилжаанд хүүгээр өрсөлдөх саналыг хэлнэ.

Өрсөлдөөнт бус санал- Ялгавартай үнэтэй арилжааны үед амжилттай биелсэн өрсөлдөөнт саналын жигнэсэн дундаж хүүгээр, нэгдсэн үнэтэй арилжааны үед амжилттай биелсэн саналын өрсөлдөөнт саналын таслагдсан хүүгээр тус тус биелэх саналыг хэлнэ.

Захиалга хэрхэн цуцлах вэ?

Данс цэс рүү орж Идэвхтэй захиалга хуудаснаас цуцлах захиалгыг сонгож Цуцлах товчлуур дээр дарна.

Нууц үгээ хэрхэн сэргээх вэ?

Алхам 1

Аппликейшнээ нээж Нэвтрэх хэсэгт Нууц үгээ мартсан уу? товчлуур дээр дарна.

Алхам 2

Өөрийн бүртгэлтэй утасны дугаараа оруулаад Баталгаажуулах товчлуур дээр дарна.

Алхам 3

Энэ үед таны утсанд 133331 тусгай дугаараас 6 оронтой баталгаажуулах код ирэх ба тэр кодыг Баталгаажуулах код хэсэгт оруулж Баталгаажуулах товчлуур дээр дарна.

Анхаарах: Таны нууц үг том жижиг үсэг, тоо, тэмдэгтээс бүрдсэн багадаа 8 оронтой байх шаардлагатайг анхаарна уу.

Алхам 4

Шинэ нууц үгээ давтан оруулаад Дуусгах товчлуур дээр дарна.

Алхам 5

Бүртгэлтэй утасны дугаар болон шинэ нууц үгээрээ нэвтэрнэ.